أحلى مافي الحب عذااابه>> قصه صفوانيه من كتاباتي

♥♥أحلى مافي الحب عذاا♥♥به

الجزء الاول :
المكان : المتوسطه الاولى بصفواى..
الشخصياات:
ღ♥♥غلا: محبوبه مرحه بشكل مو طبيعي تحب اطق>> ام سطان على غفله "كل المدرسه تحبها " "سمراء البشره"<< جنوني السمر يابا >> فديتها
ღحلا♥♥: جميله دلوعه "بيضاء البشره" أخلاقها جنان وهبال مافي اأحد في المدرسه مايعرفها من دلاعتها وحلاها >> اروح فدوه لدلاعتها.
ساره : بنت هاديه بارده كلش بيضاء البشره
شوق : حنطيه مليانه تعشق النت والنكت
سكينه : بنت هاديه نادرا ماتتكلم .

شيماء : سمراء طويله ضعيفه >> قلم قدو << مع احترامي للقلم (*_*)
باسمه: طوويله ضعيفه كأنها عسو >> على قولة صالح ويتعرفو منهو صالح لاحقاً
ミミღ ღミミღ ღ ミミღ ღ ミミღ ღ
تمر أيام اولى متوسط بحلوها ومرها على البنات (طبعاً البنات ماكانو يعرفون بعض إلا معرفه سطحيه من ايام ابتدائي بس جايتكم الاحداث في ثاني متوسط ... واتهى اول متوسط بكل برود ونجحوكل الطالبات إلي ذكرناهم وانتقلو لثاني متوسط


اول يوم دراسي في ثاني متوسط ... يرن الجرس ويبدأ توزيع الطالبات على الفصول وجت ابله بسمه وساميه ينادون الاسماء طالبات 2/ب
ابله بسمه : يالله بنات إلي انا دي اسمها تصف هنا حلا ، غلا، ابرار امينه امل احلام وبوران وبيان و حنان ،ساره وسميره وسكينه وشوق شيماء وشروق فاطهه فخريه وعلويه وعفيفه زينب وزهراء رقيه ريم وهاشميه مي مها مريم نوره ناديه هيا وياسمين ولاء
انتى التوزيع وراحو البنات على فصولهم دخلو البنات كل وحده ماليها خلق الثانيه من الحر وجلسو على الكراسي صارو صدفه البنات كلم بالسيد الاخير الي هم ساره صات جنب امل وحلا جنب شيماء وشوق جنب سكينه غلا جنب بوران ومر الاسبوع الاول وبدو البنات يتعرفون على بعض وحبو بعض كثير وتعرفو السيد إلي وره مصااااايب وبعده بفتره يعني تقريبا اسبوعين صارت اول عزيمه في بيت ساره يوم الاربعاء نهايه الاسبوع وفي نهايه الدوام تطلع ساره تأكد على البنات لاتنسو ا اليو عندي غلا ترد: آسفه عمري سارونه مابقدر بروح البحرين مع اهلي ساره : اف يعني حبكت غلا شسوي بعد
ساره : انزين والباقي بتجو لبنات : انشاء الله وا تفقو البنات يمرو على بعض ويرحو تجمعو البنات كلهم الا حلا كانت نايمه وماراحت صار الليل ولاراحت حلابيت ساره قامت دقت ساره على جوال حلا . حلا كان جوالها سايلنت ماردت ساره: اف شفيها ماترد << بادق على بيتهم وتتصل ساره على بيت حلا ترن ترن ترفعه ام حلا ساره : الو ام حلا: هلا ساره: قوه ام حلا : الله يقويج
ساره : حلا موجوده ام حلا : حلا نايمه ساره: آها بس هي قالت لي انها بتجي لي لان البنات متجمعين عندي اليوم ام حلا : والله بنبها وبشوف سكرت ساره وهي مقهوره من حلا .
راحت ام حلا تنبه بنتها الام : حلا يالله قومي صاحبتش دقت عليج ساره اتصلت تريدج تروحين بتهم
حلا وكلهانوم :اوههههوووو يمه خليني انام مابي اروح امها : قوومي بسج دلاعه فشله
البنت داقه وانقهرت لانج نايمه وصديقاتكم كلهم هناك حلا : زين ( حلا قالت زين تبي تصرف امها بس ) وشوي "صوت الباب" دقه مصريه اخت حلا ( رتاج ): يالله اومي حلا: ماصلات ساره فكونا بنقوم >> قامت حلا من نومها غصبا عنها وسبحت ولبست بسرعه وخلصت حلا الحلوه وراحت يبت ساره وانبسط هناك من ديك الجمعه توطدت علاقتها مع ساره مع انهم ماكانو يطقون بعض >> لكن شغبهم في الفصل خلاهم يصرون رفيجات وتمر الايام بثاني وكل يوم سالفه مع الشله والمعلمات والكل يشتكي من السيد الاخير ...
الشله كانت كل يوم اربعاء تقعد في حديقه المدرسه ويجبون معاهم شاي وقهوه واكل وحركات يعني مع انه كان ممنوع وكل ماجابو معاهم اكل اخذو تهزيئه من الاداره .. بس صج كانو لايقين على بعض لان تجمعهم صفه امرح والروح الحلوه .. وفي يوم من الايام كانت غلا قاعده جنب الشباك وحلا بعيده عنها بطاولتين اوثلاث كانت حلا ترسم فنيه مندمجه حدها قامت غلا وجابت المقلمتها ورمتها على حلا واخترب رسم حلا حلا عصبت بقوه ورمت المقلمه على غلا بقوووووووووووووووووه وطراااااااااااااااااااااااااااااااااخ في الشباااك طع صوت قويييييييي سكت الفصل كله ( كان على البنات حصة تسميع قران ) وتقوم المعلمه وتقوله "ابله حصه: اش صاير؟؟ من إلي رمى المقله ؟؟وحلا ولا كانها سوت شي لان ماحد شافها وهي ترميها غير غلا الابله : غلا جيبي المقلمه بشو ف إيش فيها وتفتح الابه المقمه وماشوف فها غير اقلام (الابله فكرت فيها شي *) الابله : اذااما قلتو لي مين إلي رمى المقلمه بنقص الفصل 20 علامه وغلا نشف دمها من الخوف الابه : ها يغلا شقلتي من إلى رماعليج المقله << حلا تخزر غلا خزره كنها تقول انتي تعرفين شنو بصير لج إذا قلتي وحلا عامله حالها ماتدري عن السالفه اصلان. صفرت الحصه والابله والبنات وماعرفو مين إلي رمها إلا تقوم امل: بنات مين إلا رما المقلمه ترى المعلمه هذي جلبه وتسويها وتنقص الفصل 20 علامه حلا بعصاب حديد : أي بنات صحيح قولو مين إليرمتها مايصير كده انتون تسو جرايم واحنا نبتلش ( حلا داخلها كانت تعرف ان الابله مابتسوي شي ومستحيل تنقصهم عشرين علامه ) وجت غلا لعند حلا واعتذرت منها ومشى اليوم على خير بس كانت المقلمه سبب لبدأ صداقه جميله بين حلا وغلاومن بعد ذاك اليوم صاروا صحاب مووت ومايستغنون عن بعض وفي نهايه الاسبوع لازم كاعاده لازم تكون هناك عزيمه وهلمره العزيمه في بيت حلا
يوم الاربعاء كان على البنات الحصه ااولى عربي ابله فاطمه تدخل الابله : قوه البنات : الله يقويش
حلا تقول لشيماء : بالله عليج هذا سلا م من الصبح شيماء + حلا يضحكون الابله : اليوم مسترسين حلا وشماء عسى حالين الواجب . حلا بكل ثقه : اكيد حيااتي الابله يالله اجل إلي ماحل الواجب يقوم يوقف كان في فصلهم طالبه كسلانه موووت دايم الدوم ماتحل الواجب وقف اول وحده سميره : ان اني ابله << سميره تبلع ريقها الابله : يعني لمتى ياست سمير اني ويش قلت لش آخر مره >> بس انتون ماينفع وياكم إلاالعين الحمره (تقصد دفتر العالامات ) تاخذ الابله دفتر سميره وتشوف فيه بس درسين الابله: هذا دفترش من بدايه السنه لكن ماعليه وتروح تاخذ دفتر العلامات والبنات كلهم يطالعون الابله ومايشوفو إلا طراااااااخ على راس سميره بدفتر العلامات >>> البنات ماكانومتوقعين ر دة الفعل هذي من الابله وتكمل الابله تفتيش وتوصل للسيد الاخير كان الشله كلهم حالين إلا ساره وشوق ماحلو لكن خذو لهم تهزيئه "قااامد اوي " وخلتهم واقفين طول الحصه وقبل ماتصفر بعشر دقايق قعدتهم ساره : اف على وربي هالابه دفشه واحنا على هالحال كل يوم آخر الحصه تقعدنا امل : طيب حلي واجباتك علشان لاتعرض نفسك لهل مواقف حلي وما بتوقفي <<ساره تخنفس على امل ساره : ولي يرحم واديش سكتي انا بدون شي مالي خلق ومتكسره وصفرت الحصه والابله طبعا ماطلعت إلا بطلعه الروح وعلى هالمنوال تمشي الحصص يالتهزيئات ياوقفين وتصفر الفسحه حلا ترمي كتبها على الطاوله : اف ماورى يالله نطع غلا : وش رايكم اسمعكم دقه وتدق البنات يصفقون ويغنون (صفرت ياحلاها شمس القبالي والبنات تصارخ من حواليها ) ويطلعون البنات من الفصل وهم يغنون ويصفقون >>> هذا إلي خلا البنات يحسدونه على علاقتهم بعض يتمنون وانهم يكونو من شلتهم لانهم مرحين وااجد وطبعا البنات جابين اكل وقاعدين في الحديقه ياكلون وكل تشوي تنط وحده في حلقوم كانهم مو شافين خير..
صفرت والبنات قامو وخلو الوصخ كالعاده واخذوا فره على المدرسه قبل مايرحون الفصل وهم يغنون صفرت يحلاها ....) وماشافو إلا ابله جميله المرشده الطلابيه في وجههم واستلمتهم تهزيئ المرشده: احنا وين قاعدين ؟؟ انتو ماتحترمون احد ؟؟ ومن هالحجي والبنات منطمين . ومن االتهزئ تـأخرو على الحصه وبعد التهزيئه راحو الفصل وأخذو تهزيئه ثانيه من المعلمه .
مشت الحصص زي الهم على القلب وخلص الدوام وطلعوا لبنات من الفصل حلا : ياله بنات انا بروح الحين مو تتاخرون العصر مو حزه العشى تجون البنات : اوكي
راحو البنات بيوتهم حلا وصلت البيت حلا: يمه يمه جت امها : شفيج تصرخي حلا : لاو لاشي بس اشوفج وينج؟ المهم ماما انا بنام ونبهوني الساعه 4 قبل مايجو رفيجاتي وهالله هلله بالعشاء ام حلا : اوكي يالله روحي فكيني من حنتج
اما غلا وصلت البيت وهي مو متعوده تنام العصر غلا: يميه شنو الغذا ام غلا: عيش الوفاء (لانه محرم) وبسوي لكم سمك مشوي غلا : مشوي !! اف وش هالغذا <<<انا بروح ارتاح بغرفي شوي والعصر باروح بيت رفيجي حلا ام غلا:ومن هذي حلا بعد غلا هذي بنت ابو محمد انتين تعرفي امها .ام غلا : انزين بس مو تتاخري
وجى العصر وطفرت غلا تلبس فتحت الكبت غلا:: احين شنو بلبس وبعد ماعفست الكبت أي بلبس البلوزه البنيه والتنوره البيج والساعه إلي جابها ابوي في عيد ميلادي ( عيد ميلادها كان 14 محرم والحين احنا 20 محرم ) ومروة عليها شوق وطلعو.
حلا عفستها عفسه لان ذوقها صعب جداً مو أي شي يعجبها لبست بلوزه ورديه فيها شويت شك وتنوره قصير بيضا في كم خط وردي كان طالع عليها جنان وخاصه انها بيضا وخدودها ورديه وحط لها كحل ومسكره وعيونها يهبلون مع جلس وردي فاتح كان طالعه احلى من القمر وشوي تسمع صوت الجرس راحت الخدامه وفتح الباب لساره استقبلتها اختها رتاج وجت للحلا وقالت لها انا ساره جت حلا : اكيد اول وحده ناطه وحلا وهي رايحه لساره تسمع صوت الجرس مره ثانيه وتروح تفتح الباب لشوق وغلا دخلو ثلاثهم لسار وسلمو على بعض قامت حلا تنادي خدامتهم حلا: مير ميري تعالي جبي حلا والعصير ميري جابت العصير شافتها ساره (ساره من النوع الملقوف ) اول مادخلت سلمت عليها ساره بالاندنوسي طبعاً ميري حسبت ساره من جماعتهم <<مادرت انا ساره حاشره نفسها بكل شي...
كل شوي تجي بنيه واكتملو الصبايا وقعد ضحك وسوالف إلي الها اول مالها تالي وبعدين اذن الاذان وقامو البنات يصلون قالت ساره : انا ماعليي صلاه البنات قامو يصلون غلا عطت ساره ساعتها لانها ببتوضا راحت غلا تتوضي ساره قاعده تحوس في الساعه وإلى ينقطع السير غلا جت وشافت ساعتها مقطوعه غلا : ه ه وش صار في الساعه وش إلي قطعها ساره : مادري انقطعت لحالها .غلا : قولي انقطعت من دفاتش .ساره : آسفه وش فيش وديها لل"العوض لتصليح الساعات غلا : أي عوض مااقول إالا الله يعاوض عليش جيبها بس.
صلو البنات وبعد كم ساعه حطوا لعشا وحطو الكل البتزا والمعكورنه والتوش وكل شي يحبوه البنااات. يعني بصراحه ام حلا ماقصرت والبنات وهم قاعدين ياكلون الاساره تقول:تصدقو قيس اخوي كله يجيب طاري حاجات الوصخه على الاكل يعني مره كان يقول تخيلو هذا الصحن إلي فيه الرز بدال اللحم فوقه خرررررو كل البنات : الله يقرفش على هالكلام صحيح الكلام كان يقرف كملو اكل ولا كانهم ماشاء الله عليهم هابين ريح في الاكل ..... خلصوا لبنا وبعدين حلو وبعدثلاث ساعات ونص تقريبا كل وحده راحت كل وحده بيتهم حلا راحت غرفتها شاهدت تلفزيون شوي وبعدين نامت تعرفون يوم الاربعاء البنات يبون بس ينامون من التعب ليوم ثاااني
مشت الخميس والجمعه بسرعه على الطالبات وجا يوم السبت الصباح الساعه 6 الساعه ترررررررر. قعد غلا على صوت المنبه واحيانا ينبها ابوها لان امها مريضه والدواء يمنعها من قعده الصبح وقامت غلا بالمووت لان يوم السبت ثقيل على الانسان لان الكل يكون سهران ديك الليله
في بيت حلا:
حلا مو راضه تقوم جت امها ام محمد والشغاله زقت وهي تنبه فيها حلا كانت ناويه تغيب لكن امها ماعطتها فرصه تغيب وحتى بتغيب ماتقدر تنام من فوضه اخوانهاالاصغار عنده ااخو اسمه محمد في صف خامس واخوها التاني مقدار في الروضه وامها قبل فتره ولدانه ببنيه اسمها ريمه
قامت حلا وهي معصبه ومصدعه حدها اما اختها رتاج خلصت وراحت تفطر ( احب اقول لكم ان حلا ورتاج علاقتهم مره حلوه لان ماتفرق بينهم إلا سنتين وكانهم صديقات ) خلصو وطلعو للسواق راح يوصل رتاج للثانويه لانها في اول ثانوي وبعدين راح يودي حلا للمدرسه ..
وصلو البنات للمدرسه وكل وحدها عيونها متنفخه من قلة النوم وريحه حلقها كانه بلوعه<<<
تجمعو كل البنات << حلا طبعا ماتطيق ريحه حلوقهم فقامت تعزمهم على علك
(نوفا) تريد تفتك من الريحه وزعت على البنات كلهم خذو ألا سكينه ،، حلا: تفضلي سكينه : لامالي خلق حلا : يامعوده اخذي سكينه : لا مابي حلا في خاطلرها تقول ( الله يعنا اليوم على ريحة حلقها ) حلا : طيب هاج (هولز) سكينه : مااحبه حلا بصوت خفيف : حبج برص مقطوع ذيله مطروب بنعال زنوبه 7 مرات غلا سمعتها : شفيج على البنيه من الصبح حلا : ريحه حلقها خنقتني غلا : امشي لاتفشلي البنيه حرام عليك.
وتصفر ويصفو البنات طابور يجي المنوابات يالله بنات صفو بانتضام صافين عشر عشر وش هالطابور بسكم هدره من الصبح وتبدا الاذاعه بالقران الكريم والاذاعه اليوميه الطويله إلي تكسر الطهر وبعد طلع الروح راحو البنالت على فصوهم
كانت الحصه الاولى عليهم فنيه ومعلمه الفنيه عامله حالها وكله تنفخ وتجي ابله (منى):يالله بنات على غرفة الفنيه مو تتاخرو ويطلعو البنات كراستهم وهم رايحين تروح حلا لعند غلا0 الحلا: شوفي شسوت مقلمتج برسمتي غلا : يالله تكبرين وتنسين ياعمري حلا : يادبه إذا قالت الابله عيدها باقولها كله من تحت راسج .
دخلو البنات غرفه الفنيه الاساره (لانها تتعمد التاخير كل حصه فنيه لانها ماترسم ولا عندها اكراسه اصلا
وتجي الابله :يالله بشوف رسماتكم البنات يفتحون كراستهم وهم يتحنطبون لان الابله شريره وكله تخلي البنات يعيدون رسماتهم يروحون البنات وحده ورى الثانيه نجت غلا وحلا وشيماء من اعاده الرسمه الاشوق وسكينه الابله : وش هذي قبب ولا جباال سكنيه : قبب ابله الابل: أي قبب اصلا ميبن انش مو راسمه بالمنقله
يالله عيدها بلا هدره <<<شوق: اقول ابله اني برجع بعدين اجل!!الابله : تعالي باشوف شوق تودي الكراسه الابله : اظن في اخترع اسمه مسطره مو صحيح بنات ؟ شو ق تفشلت حدهااا
حلا :تستاهل سكينه عشان تاخذ العلوج هالمره غلا : طاح حظج
الابله المهم بنات بكره ابغى كم تجمعو الكراسات وإلي قلت لها تعيدها تجيبها بكره معيوده بحط العلمات بكره لان اللاداره تبغى دفتر العلمات لان ماضل شي على المراجعه لللمتحانات
يروحون البناات للفضل ومامداهم يحطون اغراضهم على الطاوله إلا تجي ابله العلوم الابله (فاطمه ): يالله بنات ع المختبر<< البنات في خاطرهم الله يستر .(ابله فاطمه كانت شخصيه بقوووه والبنات تخاف منها )يروحون البنات المختبر ويقعدون بالطاوله الاخيره تدخل الابله : هايحلا وإلي معاها ليش قاعدين ورى علشان ماشفكم شتسون.يالله تعالو ارزعو قدامي ويقومون البنات ويقعدون في الطاوله الاولى ..وشوي ويدخلون مجموعه بنات الفصل متاخرين وهم يتبسمو الابله : متاخرين انتي ويها وقاعدين تتبسمو. ياله خلكم واقفين جنب الباب وتبدا ابله فاطمه تشرح وتكتب على السبوره والبنات يكتبون وراها وحلا وهي تكتب تنزل قصتها على وجها الابله : ياعني ياحلا انتي تشوفي شي من القصه إلي على وجهج << تبتسم حلا ابتسامه كلها برائه وتكمل كتابه وتمشي الحصه والبنات يعملون كل جهدهم انهم يشاركون وتصفر الحصه ويطلعون البنات من المختبر ويرجعون الفصل . تدخل ابله بتول معلمة الجغرافيا الابله : يالله طلعو الاطلس وحددو لي السودان بنراج الدرس إلي راح شوي وتبدي الابله تسئل عن الدرس إلي راح ومافي إلا كم وحده ترفع ايدها الابله : بناات (دااكرروو) " الابله قطيفيه وكل ماقالت (داكرو) تبسمو البنات وتضيع الحصه بالرسم والمسخره على رسمات البنات والالوان وتصفر الفسحه ويمشي اليوم والحصص حصه ورى حصه ويرجعون البناات بيوتهم بعد يوم متعب ومرهق
تدخل حلا البيت وتشم ريحه (كبسه ) حلا : علي يمه آنا مو قلت لج ماتسوي اكل حلو انا اليوم ببدي رجيم ( طبعا الحل كل يوم تقول بتسوي رجيم ولا تقدر) امها : جذبج كل يوم تقولي بتسوي ولا تسوي حلا : يالله أجل من بكره ببدي امها : ههه كل يوم هالحجي حلا : لاتحطميني
وتروح غرفتها وتاخذ شور وترتاح على مابال ينجبون الغذااا
اما غلا توها واصله البيت لانها ترجع بباص واذا وصلت تكون مفوووحه ..
غلا: السلام عليكم امها : وعليكم السلام غلا: ماورى وصلت بمووت من الحر امها : يالله مابقى شي ع الشتا غلا : وش طابخه لنا غذا اليوم امها : ماطبخت لحين يالله داني باقوم اطبخ برياني الحين .
غلا : اف يماه ماسويتي للحين حرام عليج امها : شسوي كنت بالعزيه وياخالتج رقيه
اما ساره وصلت البيت والاكل جاهرطابخين لهم مرقه دجاج (صالوانه )ساره : يمه متى بنتغذا ؟ امها نستنى قيس يجي من المدرسه ساره :يمه قيس كله يتأخر يقعد يفرفر ويا سجاد امها بتغذي للحودش اقوم اصب لش ساره : لا انيب قوم اكلمه وبشوفه متى بيجي (ساره تكلم قيس ) ساره : الو قيس وهو ماله خلق : هـلا ساره بكل عباطه : كيف حالك قيس : زين وش تبغى خلصيني ساره : بل عليك اخلاق متى بتجي ؟ قيس : مادري انا مع الشباب ساره يعني نتغذا عنك قيس: بكيفكم يالله باي ( ويصك السماعه بوجه اخته ) سار: توت توت صاقعه صكه بوجهي
في بيت حلا (بيت ابو محمد)العصر :
ام محمد: ياابو احمد يالله قوم اليهال جننوني يالله قوم الشاي جهز ( ابو محمد ولاكنه <<تقوم ام محمد تطفي المكيف )
ابو محمد : يالله قايم .
ويقعد ابو محمد وام محمد وام علي (جده حلا << ام ابوها) يشربون شاي
ام علي : وين حلا ورتاج ام محمد : حلا قاعده تشاهد التلفزيون كالعاده. ورتاج نايمه ام علي : مقابله هالمفاصيخ إلي في التلفزيون
محمد (اخو حلا)في صف خامس : يالله بابا خلينا نطلع شوي ابو محمد وش فيك مستعجل خليني اخلص استكانه الشاي إلي بيدي .

تااااابع
ويطلع ابو محمد واليهال بعد مازهقوه محمد ومقدا من الحنه
وتروح ام علي عند الجيران وام محمد تروح السوق (خارج) تجيب كم قلم لحلا لانها كل يوم تضيع اقلامها زي الجهاال
الساعه 5 العصر في بيت غلا (بيت ابو حسن )
البيت كان فاضي وغلا قاعه بروحها لان امها طالعه واخوتها مع الشباب وإلي في الدوام ( غلا عندها اختين و4 اخوه )اختها الكبيره متزوجه روان (ام زينب) واخوها الكبير متزوج وعنده ولد صغير والبقايه عزابيه ماتزوجو
ويمر اليوم وتغيب الشمس : وتطلع شوق وتروح بيت خالتها (خلاتها كل يوم يتجمعو ) وشيماء في البيت لانهم صار لهم فتره مايطلعون بعد وفات اخوهم الكبير<< متاثيرين شوي مو وايد
حلا وغلا: وقاعدين يكلمون بعض ام حسن (ام غلا) : وانتين ماتشبعي من هحلا 24 ساعه ترضعي معاها // غلا : حرام عليش متى كلمتها تروح ام حسن وهي تتحنطب وبعد ساعه تقريبا يسكرون التلفون بعد مااخذت كل وحده تهزيئه من اهلها
وينامو البنات وتطلع الشمس ويقعدو البنات ويروحو المدرسه (حلا تطالع الساعه ) الساعه كانت 6:45 وغلا ماجت للحين ليكون بتغيب
وتصفر وغلا للحين ماجت يصفون البنات صفت حلا آخر الطابور علشان إذا جت غلا تشوفها ويبدا القران وتدخل غلا من البوابه وتشوفه الاداريه (ناهد ) ناهد : ليش متاخره ؟ غلا: راح عني الباص وماعندي احد يجبني ناهد:يالله روحي وقعي علشان تاخريج وبعدين روحي صفي مع فصلج
غلا راحت للطابور : اف حلا: ليش تاخرتي يامغيفه (غلا تقول لحلا السالفه) حلا : خفت ان تغيبين
غلا : وانا الاقدر حلا: كان اصيح لو تغيبي غلا:لا تكفي وماشفون إلا زقره جايتهم من وراهم ناهد : لاوالله متاخره وقاعده تسوفين بعد
حلا+ غلا (ساكين كانه على رؤسهن الطير)
ناهد: اقول اسكتي لاافشكلك قدام المدرسه كلها
ويرحون البنات البنات الفصل علشان يحلون الواحب قبل لاتجي الابله ..
غلا: حلوو اعطيني دفترش الرياضيات علشان بحل الواجب .. حلا: هعععع << ومن قاجي اني حليته غلا :مالت عليج .. حلا:مابتفتش .. غلا : تهقي خلاص اجل مابحله ..
وتدخل الابله يالله بنات طلو دفاتركم وافحو على الواجب (حلا تبتسم بكل عباطه ) <<غلا تطالع حلا بنظره وتاشر لها تقول لها حسابج بعدين <<< الابله : إلي ماحلت تقوم توقف وقفو البنات وقفت معاهم غلا اما حلا ضلت جاسه كتبت الابله اسامي البنات بدون ماتفتش يعني حلا نجت بريشها
(حلا تكتب للغلا رساله وترسلها) الورقه كان مكتوب فيهاحلا:كيف الحال عمري(*_*)؟غلا ترد: تستهبلين انتي وخشمك الوردي ( كان خشم حلا وردي لانها مزكمه ) حلا ترد: شدعوا انا شسويت ماحد قالج تصيرين جبانه وتقومي توقفين .. غلا ترد :لا والله الحين بتنقصني كله من تحت راسك ("_")
خلا تر:كانها بتكون اول مره تنقصش ( حلا توها بتودي الورقه تناديها الابله )الابله حلا يالله قومي حلي المعادله .. حلا: أبله تعبانه بطني تعورني.... الابله:بلادلعه حلا قومي حلي .. (حلا تقوم وهي قايمه ترمي الورقه على غلا وترسل لها بوسه طايره) غلا : الله يغربل سوالفك توقف حلا عند السبوره وتبدي تحل المعادله وشوي وتصفر .. حلا: اشوووه... الابله : كملي حلا : صفرت ..الابله : ادري انا ماخذه الحصه إلي بعدها ابله العربي غيبه حلا : هادي مالقت تغيب إلا اليوم ..يعني مصره احلها ابله لازم تعطي فرصه لغيري !!(*_*) الابله : حلا حليها ... حلا: امري الله(تحل حلا المعادله الحمدلله عدل ) ويقطون البنات الحصه كلها بحل المعادلات لين ماتصفر <<
يطلعون البنات على باب الفصل يشمون هوى وبعد ربع ساعه تجي ابله الفق ( مريم) : شعدكم طالعين يالله دخلو؟ البنات يدخولون الفصل ويجلسون على كراسيهم الابله : يالله طلعو أي شي مافي درس اليوم.... البنات استانسو حدهم وقضو الحصه سوالف هدره
وتصفر على الفسحه ويطلعون البنات ويقعدون في الساحه ويعطون سكينه فلوسم تشتري ليهم فطور << ويفطرون ويقعدون شوي بعدين تصفر كان عندهم بعد الفسحه تاريخ (معلمه التاريخ كلش حبوبه وجميله والبنات يحبونها ) تمر حصه التاريخ وبعدها الانجلزي وبعدها مشى اليوم ورجعو البنات بيوتهم ..
يصلون البنات بيوتهم تدخل شوق بيته (بيت ابو هشام ):
البيت كان فاضي مافي الاأمها .... شوق : يمه ماجو اخواني .. امها : اختج للحين ماجت من الجامعه واليهال للحين في المدرسه (الحين بيجو )
شوق : انا بروح اقعد على النت على مابال يجون امها : وانتي هذي حالتج كل يوم .
في بيت شيماء (ابو عادل )..
شيماء كانت قاعده مع اختها ساجده يذاكرون شيماء واختها دوااافير حدهم يكلون الكتب كليوم
ساجده : اقول شيماء وش اخبارك مع الدراسه هاليام .. شيماء : ماششي الحال ساجده : اقول انتبهي لنسج وخلج من هالشله التعبانه
وتمر الايام والاسابيع وتقرب الامتحانات النهائيه للفصل الدراسي الاول والبنات تزيد علاقتهم في بعض خصوصا احلا وغلا وساره وبنات يوم يذاكرون وعشره لا..
يغيبون البنات قبل الامتحانات بسبوعين وبدال مايذكرون كانت حلا وغلا وساره يتجمعون (على اساس يذاكرون ) كانو يدقونها سوالف وضحك وتمر الايام ويجي اول يوم امتحانات طبعا حلا وغلا كانو بنفس القاعه ومعاهم باسمه << احنا ذكرناها باول القصه بس ماكان ليها دور مع البنات لانها في فصل ثاني لكن هي لها معرفه سابقه بحلا وغلا وكانت قريبه من ساره <<
المهم نرجع لمحور حديثنا <<صادوه>>
حلا وغلا كانو بنفس القاعه وقريبن جنب بعض كان كله يغشون كانت وتمر الامتحانات بطريق او اخرى والبنات إلي سوت زين وإلي شين وإلي وسط .
وآخريوم والبنات في القاعات تمر المرشده الطلابيه المرشده: السلام... البنات :وعليكم الا حلا وغلا (تجاهلوها وكملو حل .. المرشده بنات الشهادات يوم السبت والحضور من الساعه 9 إلين 11:30 وإلي تجي بعد الساعه 11:30 مابنعطيها شهادتها (حلا وغلا قامو يطالعون ببعض لان ثنتينهم كان يفكرون بنفس الشي ) << انهم يجون بعد الساعه11:30 عناااااد
المعلمات يسحبوون الاوراق والبنات يطلعون من القاعات ويروحون جنب باقي الشله إلي كانو متفقين يروحون بيت شوق يفطرون ..
شوق : يالله بنات نطلع ابوي يستنانا بره << البنات راحو يجيبون عبيهم ... حلا : شواقه انا ما بروح معاكم بروح بيتنا أول ابدل ملابس بعين بجي .. غلا : يعني لازم هالحركه الوصخه حلا: شسوي بموت من الحر ..غلا :وين ماتموت من هالمريول الضيق .. شوق:يالله حلا نبي روح اسواق المزرعه احلى كلنا.. حلا :لامااقدر بلحقكم بعدين( غلاوشوق يسحبون حلا ويدفونها ) حلا: هدوني فشلتوني قدام البنات ترى بصرخ وبقول تبون تغتصبوني غلا: جب ولا كلمه ....شوق +غلا : اقول امشي
يروحون البنات يركبون السياره يوصلهم ابو هشام اسواق المزرعه بعدين يوديهم بيتهم ويقعدون ( ساره : يالله وش بتفطرونا ..غلا :نبي فلافل << حلا :يالله بنطلب من النادي غلا : أي نادي نبغى من شاطر علشان يجيبو لي بطاقه سوا معاهم .. حلا: وانتي دايم ماعند رصيد خلاص انا بحولج بس يالله خلينا نفطر
(تطلع حلا جولها وتحول رصيد لغلا << طبعا انتو مستغربين شلون طالعين من المدرسه وعندهم جوالتهم لانهم كان آخر يوم يودون جوالتهم معاهم ويخلوهم بجنطهم )
ساره: اقوول يالله شوق اتصلي .
وبعد ساعه تقريبا جا الفطور والبنات فطرو وشبعو وشوي مايسمعو إلا بــــــــع (ساره تيشت )البنات قامو يضحكو لكن غلا +حلا انقرفو <<
بــــــــــــــــــــــع (باسمه تيشت ) حلا : شفيكم خلاص ؟ (*^*) باسمه قامت تعاند حلا وتتيشى باذنها .. حلا : والله ترى بزعل .. ساره: خلاص خليها بحالها .. باسمه : زين الله مابلشنا إلا بدلوعه ..حلا: مشكل "_طالع لج)
البنات ضلو قاعدين مع شوق لقريب الاذان وقامو على شان بيروحون .. شوق : وين راحين ..تو الناس ...
البنات : لاخلاص صار لينا وايد قاعدين ... شوق: ضلو للغدا بنتغذا بخاري (من مطعم الممتاز) البنات قامو يطالعون في بعض لانهم يحبون البخاري خصوصا في الجمعات ساره : مصره يعني .
ويقعدون البنات للغذا ويتغدون وهم قاعدين مايسمعون بع (صغيره )تخيلو منو تيشى .؟ ساره : ماني مصدقه .. باسمه : معقوله .. غلا: مايمديها تتعلم شي مثل الجهال ..
حلا: شسوي عديتوني ( حلا هي إلي تيشت ) كامو البنات يضحكون على حركه حلا لانهم ماكانو متقوقعينها من حلا لانها دلوعه جداً
بعد مرور كم ساعه من الضحك والمرح يرجعون البات بيوتهم ..
توصل حلا البيت << تستقبلها امها : بعد وكت بدري .. حلا :شسوي آخر يوم بالامتحانات لازم الواحد ينفه عن روحه ... امها : زين يالله روحي بدلي علشان بنطلع .. حلا : وين بروح << امها : الراشد .. حلا : احنا والهراشد كل يوم اطورو روحو السيف إلي في البحرين ..امها: يعني مابتروحي ويانا.. حلا : اكيد باروح (وتروح حلا على غرفتها طياااره تبدل
اما غلا توصل البيت وهي ميته خوف لانها ماقالت لامها بتتاخر هالكثر تدخل غلا بشويش شوي ....
امها: غلووو غلا وقف قلبها ) غلا: هلا يمه .. امها وش هالتاخير .. غلا : ماكان عندنا احد يجبنا امها : كان اتصلتي بواحد من اخوانج وخليته يجيش (غلا توهقت ) غلا: ها جوالي طفى وماني حافضه رقم أي واحد منهم .. امها : هذي اخر مره تطلعين (طبعا امها كله تقول آخر مره بس مو من جده <لا من عمها)
وساره توصل البيت ومافي احد امها في العزيه وابوها في بيته الثاني لانه متزوج وحده فبل امها واخوها إلي اكبر منها 4 سنين هايت في الشارع مع الشباب وخوتها الكبار متزوجات تقعد ساره في الصاله تشاهد التلفزيون ومن الزهق تناام
اماباسمه نزلت بيت جدها عند خالتها وبنات خالتها ..
يمريوم الاربعاء والخميس والجمعه على البنات وهم حاطين ايدهم على قلوبهم .. ووجى يومن السبت أخيراً وحلا وغلا راحو بعد الساعه 11:30 مثل مااتفقو ..
تتوقعون هل البنات كل هم بينجحون ؟
وهل الادراره بتعطي حلا وغلا شهاداتهم لانهم تاخرو ؟

مع تحياتي عاشقه شط العراق + ورده العشاق

يسلموووووووووووووووو

يسلمووو
تحياتي عاشق الموت

القصه رووعه وعجبتي استنااش تنزلي جزء جديد بأسرع وقت

لاني متشووقه اعرف وش صاار

يسلمووووووووووو

القصه مره روعه

شجعتيني انزل قصتي

هههههههههههههه

يسلمــــــو

مـــره حلــــــــــوه


بســـــــرعه نــزلـي الجــزء

الجـــديـــد

يسلمووووووووووووووووووووووووو