بضمك لين تصبح على خير

موضوع: بضمك لين تصبح على خير 11/13/2008, 22:07

افتح شبابيك الهوى جيتـك اليــــوم
باحساس من زود الوله عده ايطيـــر
::
جيتك مثل طفل "ن" له ايـام محـروم
عن حضن امـه بعدتـــه الــمـــقاديـر
::
وجيتك مثل عود"ن" له ايام مهمـوم
وده يلاقـي باخـر الوقـت تقديــــــــر
::
وجيتك حضن عاشق وهايم ومغروم
وده يضمك لين تصبح علـى خيــــــر
::
متى تحس ان الهوى شي مقسـوم
من قسمة الخالق على خلقه يصير
::
ومتى تحس اني لك اطيـح واقــــوم
واتعب على شانك واقدرك وآغيــــر
::
لي في هواك احلام وامال وعلـــوم
واحزاب واصحاب وقصيد وجماهيـــر
::
وهموم وافكار وهواجيس وحلـــــوم
وادروب واخطار وعذاب ومشاويــــــر
::
وحب وغلا واخلاص ومعاند ولـــــــوم
واحساس واللهام وشعور وتفاكيـــــر
::
وصحبة سهر ومقاطعة لذة النـــــــوم
واشواق جياشه وعشَـق وتعابيــــــر
::
في ذمتك مابان لـك شـي مكتـــــوم
من بعد ماصورت الاوضاع تصوـــــــــير
::
لاتحسب انك شي عابـر ومعــــــدوم
وتاريخ حبَك فـاق كـل الاساطيـــــــــر
::
كنـي لقيتـك بأغنيـه لأم كلثــــــــــوم
وكني قريتك في روايـة شكــســـبيـر
::
في كل شي اتخيلك واسمعـــك دوم
واتأملك في الوقـت الأول ولآخيـــــــر
::
من ماضي الأيـام لايومـك اليــــــــوم
وغَلاك عندي ماحصل فيـه تغييـــــــر
::
وانا لك الله مأقبل البيـع والســـــــوم
ولا ارضى علي ولاعليك المخاسيــر
::
لاْني الوحيد اللي على بحرك يعــوم
واللي عرف مرساه في رحلة السير
::
لحظه حبيبي قبل يسبقنـي النــوم
بضم صَدرك لين تصبح على خيــــــر
::

:: مما تصفحت ونال اعــ ج ـابـــي ::